*⚖سوال و جواب⚖*
*مسئلہ نمبر 1110*
(کتاب الصلاۃ باب الجنازۃ)
*کرونا وائرس (Corona Virus) سے متوفی شخص کے غسل کا مسئلہ*
*سوال:* اگر کسی کرونا وائرس زدہ شخص کا انتقال ہوجائے تو اس کے غسل کی کیا شکل ہوگی؟؛بعض ماہرین کا کہنا ہے کہ غسل دینے سے بھی مرض پھیلنے کا اندیشہ ہے، نیز ہاسپٹل سے آئی ہوئی لاش پلاسٹک میں سرکاری طورپر لپیٹی ہوئی ہوتی ہے تو پھر اس کے غسل کی کیا شکل ہوگی؟ (عبداللہ بہرائچ یوپی)
*بسم اللّٰہ الرحمٰن الرحیم*
*الجواب وباللہ التوفیق*
کرونا وائرس سے متوفی شخص عموماً حکومت کی سیکورٹی میں پلاسٹک کرکے دیا جاتا ہے، اور یہ تاکید ہوتی ہے کہ اسے کھولا نہ جایے کیوں کہ اس سے جراثیم پھیلنے اور بیماری بڑھنے کا قوی اندیشہ ہوتا ہے ظاہر ہے کہ اس صورت حال میں اس کو غسل دینا ممکن نہیں ھوگا، اور لاش پیکنگ سے قبل غسل دلانا آسان کام نہیں ہے، اس لئے پلاسٹک کو جبیرہ یعنی پٹی کے درجہ میں مانا جائے گا اور جس طرح فقہاء کرام نے پٹی پر مسح کو غسل کا قائم مقام قرار دیا ہے یہاں پلاسٹک پر ہی مسح کرانے کو غسل کا درجہ دے دیا جائے گا، مسح کا طریقہ یہ ہوگا کہ جراثیم سے بچنے کے لئے ہاتھوں میں گلبس پہن کر گلبس کو تر کرکے پورے جسم پر ہاتھ کو پھیر دیا جائے گا۔ یہ مسح ہی غسل سمجھا جائے گا اور جنازہ پڑھ کر تدفین کردی جائے گی دور حاضر کے بعض فقہاء کرام کی رائے ہے، دوسری رائے یہ ہے کہ پورے جسم پر مسح کے بجائے صرف اعضاء تیمم پر پاک مٹی پر ہاتھ مار کر تیمم کرا دیا جائے، بہرحال جو صورت قابل عمل ہو اختیار کی جاسکتی ہے، کیونکہ م لا يدرك كله لا يترك كله(١)۔ فقط والسلام واللہ اعلم بالصواب۔
*????والدليل على ما قلنا????*
(١) عَنْ عَلِيِّ بْنِ أَبِي طَالِبٍ قَالَ : انْكَسَرَتْ إِحْدَى زَنْدَيَّ، فَسَأَلْتُ النَّبِيِّ صَلَّى اللَّهُ عَلَيْهِ وَسَلَّمَ، فَأَمَرَنِي أَنْ أَمْسَحَ عَلَى الْجَبَائِرِ. (سنن ابن ماجه رقم الحديث٦٥٧ كِتَابُ الطَّهَارَةِ وَسُنَنِهَا | بَابٌ : الْمَسْحُ عَلَى الْجَبَائِرِ)
ﻗﺎﻝ: (ﻭﻳﺠﻮﺯ) اﻟﻤﺴﺢ (ﻋﻠﻰ اﻟﺠﺒﺎﺋﺮ) ﻭﻟﻴﺲ ﺑﻔﺮﺽ ﻋﻨﺪ ﺃﺑﻲ ﺣﻨﻴﻔﺔ، ﻭﻫﻮ اﻟﺼﺤﻴﺢ ﺣﺘﻰ ﻟﻮ ﺗﺮﻛﻪ ﻣﻦ ﻏﻴﺮ ﺿﺮﺭ ﺟﺎﺯ.
ﻭﻗﺎﻻ: ﻻ ﻳﺠﻮﺯ. ﻟﻬﻤﺎ ﻣﺎ ﺭﻭﻱ «ﺃﻥ اﻟﻨﺒﻲ – ﺻﻠﻰ اﻟﻠﻪ ﻋﻠﻴﻪ ﻭﺳﻠﻢ – ﺃﻣﺮ ﻋﻠﻴﺎ ﺣﻴﻦ ﻛﺴﺮﺕ ﺯﻧﺪﻩ ﻳﻮﻡ ﺃﺣﺪ ﺑﺎﻟﻤﺴﺢ ﻋﻠﻴﻬﺎ» ، ﻭﻗﻴﺎﺳﺎ ﻋﻠﻰ اﻟﺨﻒ. (الاختيار لتعليل المختار ٢٥/١)
*كتبه العبد محمد زبير الندوي*
دار الافتاء و التحقیق مدرسہ ہدایت العلوم بہرائچ یوپی انڈیا
مورخہ 8/8/1441
رابطہ 9029189288
*دینی مسائل عام کرنا ثواب جاریہ ہے*