*⚖سوال و جواب⚖*

*مسئلہ نمبر 1109*

(کتاب الصلاۃ باب الجنازۃ)

*کرونا وائرس (Corona Virus) والی لاش کو جلانے کا حکم*

*سوال* آج کل کرونا وائرس کی جو وبا پھیلی ہوئی ہے ہے اس ضمن میں بہت سی حکومتوں نے یہ آرڈر دیا ہے کہ لاش کو زمین میں دفن کرنے کے باوجود اس بات کا اندیشہ ہے کہ اس مرض کا اثر وہاں کے ماحول پہ پڑے، اس لئے اس کو جلا دیا جائے، تو شریعت اسلامی اس سلسلے میں کیا رہنمائی کرتی ہے؟ (عبداللہ بہرائچ یوپی)

*بسم اللّٰہ الرحمٰن الرحیم*

*الجواب وباللہ التوفیق*

شریعت اسلامی نے بحیثیت انسان جس طرح زندوں کو احترام و تعظیم کی نظر سے دیکھا ہے اسی طرح مردوں کو بھی عزت و احترام سے نوازا ہے، انسان مرنے کے بعد گو کہ لاشۂ بے جان ہوجاتا ہے تاہم انسانیت سے خارج نہیں ہوتا بلکہ وہ حسب سابق انسان ہی رہتا ہے اسی لئے دین اسلام میں اس کی تجہیز و تکفین اور نماز و تدفین سے متعلق نہایت خوبصورت اور عقل و دانش سے قریب تر احکام دیے گئے ہیں، چنانچہ شریعت کا حکم ہے کہ مردوں کو جلایا نہیں جاسکتا ہے بلکہ عزت و احترام کے ساتھ سپرد خاک کیا جائے گا، یعنی قبر کھود کر مٹی جائے گی، اس لئے کورونا وائرس سے وفات شدہ شخص کو بھی حتی الامکان کوشش کی جائے کہ مٹی دینے کی صورت پیدا ہوجائے، مثلاً عمومی قبرستان کے بجایے ایسے غیر آباد علاقے میں تدفین کا نظم کیا جایے جہاں اس کے اثرات نہ پہنچ سکتے ہوں یا قبرستان کے ایسے حصے میں تدفین کی جائے جہاں مردوں کو بہت کم دفن کیا جاتا ہے وغیرہ(١) لیکن اگر کسی طرح کوئی صورت نہ بن پارہی ہو اور سوائے جلانے کے کوئی راستہ نہ ہو تو جلانے کی بھی گنجائش ہوگی؛ کیونکہ شریعت نے آدمی کو اتنا ہی مکلف بنایا ہے جتنا اس کے بس میں ہے(٢) فقط والسلام واللہ اعلم بالصواب۔

*????والدليل على ما قلنا????*

(١) وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَىٰ كَثِيرٍ مِّمَّنْ خَلَقْنَا تَفْضِيلًا (الإسراء 70)

عَنْ عَائِشَةَ قَالَتْ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ” كَسْرُ عَظْمِ الْمَيِّتِ كَكَسْرِهِ حَيًّا ".
حكم الحديث: صحيح (سنن ابن ماجه رقم الحديث ١٦١٦ كِتَابُ الْجَنَائِزِ. | بابٌ : فِي النَّهْيِ عَنْ كَسْرِ عِظَامِ الْمَيِّتِ)

قال الطيبي: إشارة إلى أنه لا يهان ميتا كما لا يهان حيا. (عون المعبود شرح سنن أبي داود ٣٢٠٧ كِتَابٌ : الْجَنَائِزُ | بَابٌ : فِي الْحَفَارِ يَجِدُ الْعَظْمَ)

(٢) لا يُكَلِّفُ اللَّهُ نَفْسًا إِلَّا وُسْعَهَا ۚ لَهَا مَا كَسَبَتْ وَعَلَيْهَا مَا اكْتَسَبَتْ… (البقرة 286)

يتحمل الضرر الخاص لدفع ضرر عام

الضرر الأشد يزال بالضرر الأشد

إذا تعارضت مفسدتان ارتكبت اخفهما.

يختار أهون الشرين.

الضرر يدفع بقدر الإمكان.

(شرح المجلة ١/ ٤١و ٤٢)

ولكن لو حصلت كارثة ذهب ضحيتها عدد كثير وتعذر دفنهم أو مواراتهم عن ظاهر الأرض وكان في بقائهم على هذه الصفة ضرر على الأحياء بتقرير أهل الخبرة في هذا المجال، فلا حرج في إحراقهم حفظا لسلامة الآخرين ودفعا للضرر عنهم. (اسلام ويب رقم الفتوى: 45300)

*كتبه العبد محمد زبير الندوي*
دار الافتاء و التحقیق بہرائچ یوپی انڈیا
مورخہ 7/8/1441
رابطہ 9029189288

*دینی مسائل عام کرنا ثواب جاریہ ہے*